LILATON

Hiru aste baino gutxiago falta dira LILATONa ospatzeko eta dagoeneko ia 5.000 emakume dira Kirolprobak.com web orrialdearen bitartez inskribatu direnak. 29 urte dira. 1989. urtean ospatu zen lehen Lilatoia: ez zen ohikoa emakumeok kaletik korrika ikustea; emakumeon espazioa ez baitzegoen eremu publikoan. Ez kirolean, ez gainontzeko alorretan ere. Baina zorionez aldatzen goaz arauak eta errutinak. Bidegabeko ohiturak haustera ausartu direnak baditugu, eta horiei esker sortu zen kirol mundura motibatu gaituen lasterketa eder hau! Lehiaketa, erronka, festa, aitzakia, aldarrikapen… bakoitzarentzat dena delakoa. Baina denentzat, emakumeok protagonista garen eguna. Eta haurrak, gizonak, lagunak… gu animatzen. Emakumeak, behingoagatik irabazle.

 

Donostiako hirigunetik igarotzen den 5Km-tako lasterketa, non festa giroa da nagusi lehen ordutik: Tri-Txita, Txaranga 3Txulo, Irudi Ots musika puntua, Batukada…

  • 9:40etan, AERO-ZUMBA beroketa saioa, Boulevard-ean.
  • 10:00etan BEGISARE argazkia Boulevard-eko kioskoan. ANIMA ZAITEZ!!!
  • 10:30etan LILATON lasterketa hasiko da, Boulevard-ean. IZASKUN OSÉS, urrezko domina RIOko PARALINPIADETAN, emango dio irteera lasterketari.
  • 11:30etan, SARI BANAKETA batukadarekin Alderdi Ederren.
  • 12:30etan, LILAPOTEA trikitilariekin (Ordizi, Rekalde, Eiger, Herria, Aurresku + Dj Miau).

Inskripzioak irekita mantenduko dira otsailaren 23a arte edo hauek agortu arte. Izen-ematearen prezioa 10€-takoa da eta Begisare elkarteari lagundu nahi izanez gero, Euro bat emanez,  11€-tako kostea izango du.

Parte hartzaileen artean ikastoletako parte hartzea nabarmendu nahi dugu. Ia 200 neska Haztegi Ikastolatik (Legazpi), Jakintza Ikastolatik (Ordizia) 120 baino gehiago eta Urretxu-Zumarraga ikastolatik 100 baino gehiago.

Korrikalari guztiek nikia eta gorroa izango dute opari. Hauek guztiak eta dortsala Emakumeen Etxean (Okendo Kalea, 9) jasoko beharko dira ondorengo egunetan.

  • Martxoak 2 (ostirala) eta 3 (larunbata) , 11:00etatik 14:00etara eta 16:00etatik 20:00etara.

Gogoratu asteburu honetan, taldekako azken entrenamentua dela. Topaketa goizeko 10:00etan izango  da Club Atlético SS-eko sedean. Honi buruzko informazio guztia ondorengo estekan: facebook/LilatonCarrera.

BIDEOA
KARTELA

INFORMAZIO GEHIAGO

Teléfono: 943 21 53 54 · 652 754 558

E-mail: lilaton@lilaton.es

www.lilaton.es

FACEBOOK

TWITTER

INSTAGRAM

INSKRIPZIOAK

IZEN-EMATEAK abenduaren 13tik otsailaren 23a arte edo dortsalak amaitu arte irekita egongo dira.

www.kirolprobak.com